АҞӘА, абҵара 20 - Sputnik. Урыстәылатәи Аԥсыӡкра аусбарҭа Шәача аԥшаҳәаҿы 8,5 сантиметра еиҵоу агәыҵаԥшь акра уақәиҭызымтәуа аԥҟара аланагалеит. Абри атәы аанацхауеит РИА Новости Урыстәылатәи Аԥсыӡкра аусбарҭа Азов-Амшынеиқәатәи аҵакыратә ҟәша иатәу Азов-Ҟәыбантәиаҟәша аҳәынҭинспектор еиҳабы Геннади Голуб иажәақәа шьаҭас иааганы.
"Аԥсыӡкра бзиа избо адырра раҳҭар ҳҭахуп 8,5 сантиметра еиҵоу агәыҵаԥшь ссақәа рыкры азин шыҟам, ари аҩыза аԥҟара залагалоу иааиуа ашықәс азы иҿиарц азоуп", - иҳәеит Голуб.
Иара иажәақәа рыла, Шәача амшынеиқәатәи агәыҵаԥшь акра аамҭа иалагоит ҭагалан алагамҭаз, усҟан иара цылахоит, ашша алалоит. Аха сынтәа аҳауатә ҭагылазаашьа иахҟьаны мызқәак иахыԥеит. Уажәы иара бзианы ицәырҵит, аԥсыӡкыҩцәа згьама бзиоу ари аԥсыӡ сса ркырц ацәқәырԥеиҩҵәагақәа рҟны еизоит.