АҞӘА, абҵара 22 – Sputnik. Апартиа "Иаку Урыстәыла" аҟынтәи Аҳәынҭдумаҿ адепутат Султан Хамзаев иҳәеит иколлегацәа мызктәи рулафахәы мап ацәкны Украина ицо аоперациа ҷыда алахәылацәа ирзынашьҭхарц. Абри атәы аанацҳауеит РИА Новости Хамзаев иажәақәа шьаҭас иҟаҵаны.
"Иашоуп ҳәа сгәы иаанагоит, дарбан депутатзаалак мызктәи иулафахәы аоперациа ҷыда иалахәу аибашьцәа ма урыстәылатәи арегион ҿыцқәа руааԥсыра ргуманитартә цхыраара ирзирхар. Уи азы иҟоуп иҷыдоу афондқәа", - иҳәеит адепутат ажурналистцәа драцәажәо.
Хамзаев иҳәеит Даӷьсҭанынтә аоперациа ҷыда иалахәу дышрыцхраауа аԥхьатәи амшқәа инадыркны. Иҳәеит ареспублика ахада иҟаиҵаз ажәалагалала иаку аԥхьаӡамҭа шаартыз, уахь Хамзаев икоманда хәажәкырамзазы ҩ-миллион мааҭ шахырыԥхьаӡалаз. Уи адагьы адепутат иҳәеит аибашьцәа рзы ишаархәо зыда ԥсыхәа ыҟам еиуеиԥшым атауарқәа.
Украина арратә операциа ҷыда иалагеит жәабран 24 рзы. Иара рылаҳәо, Урыстәыла ахада Владимир Путин иҳәеит аоперациа ҷыда ахықәкқәа ишреиуоу аа-шықәса дуӡӡа киевтәи арежим зҟәаҟәа иқәыӷәӷәоз Донбасс ауааԥсыра ацхыраара рыҭара.