АҞӘА, абҵара 22– Sputnik. "Газпром" иазгәанаҭеит Молдавиаҟа инеираны иҟоу агаз Украина ибжьахоит ҳәа. Абри атәы аанацҳауеит аилахәыра.
"Газпром", аилахәыра "Молдовагази" иареи реилаӡарала инарышьҭуа "молдавиатәи" агаз Украина, ГИС "Суджа" аҟны ибжьахоит ҳәа азгәанаҭеит. "Газпром" Украина аҵакырала транзитла Молдоваҟа инанашьҭуа агаз еиҳа еиҳауп Украинеи Молдовиеи рҳәаахь инеиуа агаз аасҭа", — аҳәоит аилахәыра амессенџьер Telegram аҿы.
Украина аҵакыраҿы иаанхоит ҳәа иԥхьаӡоуп — 52,52 млн куб. агаз.
Абҵара 22 азтәи аҭагылазаашьала "Газпром" агаз нанашьҭуеит агазшәагатә станциа (ГИС) "Суджа" ахь. Уахыки-ҽнаки рыҩнуҵҟала инарышьҭуеит 42,9 миллион куб. агаз.