АҞӘА, абҵара 22 - Sputnik. Ростовтәи аобласт аҟынтәи аалыҵ Аԥсныҟа аекспорт 80% иазҳаит 2022 шықәсазы. Ари ииасыз ашықәс иаҿырԥшны 80% рыла еиҳахеит ҳәа аанацҳауеит Россельхознадзор апресс-маҵзура.
Ажьырныҳәамза аахыс ареспубликахь иааган 55 хәҭа атауар, акапанла 491 тонна инаӡоз. Аиҳарак арахь иаҵанакуеит акәаци акәацлыхи - 109 тонна, ахши ахшлыҵи - 277 тонна, арахә рзы афатә - 105 тонна.
Иара убасгьы ареспубликахь иаагоуп 43 нызқь цыра акәтаӷь.
Иазгәаҭоуп аалыҵ хымԥада аветеринар-санитартә хылаԥшра ишахрыжьуа, ашәарҭадара шгәарҭо.