АҞӘА, абҵара 23- Sputnik. Ареспубликатә хәыҷтәы хәшәтәырҭаҿы алабораториа аартразы атәыла анапхгара аԥара азоурыжьуеит, абри атәы иҳәеит Агәабзиарахьчара аминистр Едуард Быҭәба.
Быҭәба иҳәеит 5,3 млн мааҭ рыхә ахархәагақәа шаахәо.
Быҭәба иазгәеиҭеит алабораториа аусура ашьҭахь аҭҵаарақәа рымҩаԥгара шырццакхо.
"Уажәшьҭарнахыс ишәоуеит алшара ҳаамҭа иақәшәо ахархәагақәа рҟны агематологиатәии абиохимиатәии анализқәа раҭаразы", - иҳәеит Быҭәба.
Уи адагьы атәыла ахада идгыларала ахәшәтәырҭа хара имгакәа иаиуеит автомобиль-минивен.
Едуард Быҭәба иҳәеит аминистрра аҽшазнашәо урыстәылатәи аҳақьымцәа аԥснытәи ахәшәтәырҭақәа рҿы рыҷаԥшьара аиҿкаара. Иара иҳәеит ахәшәтәырҭа аҭахрақәа реиқәыԥхьаӡа аминистррахь инашьҭызарц.
Инесса Камлиаԥҳа иазгәалҭеит ахәшәтәырҭаҿ ахәыҷқәа шырацәо, амбулатортә хәшәтәра аиԥш астационартә хәшәтәрагьы зҭаху. Убри аан илҳәеит акадрқәа разымхара шыҟоу, аоперациа хкқәак рымҩаԥгаразы иахәҭоу ахархәагақәа шрымам.