АҞӘА, абҵара 23– Sputnik. Аԥсни Приднестровиеи реизыҟазаашьақәа арҭбааразы иҟаҵатәу азҵаарақәа ирылацәажәеит Аԥсны адәныҟатәи аусқәа рминистр Инал Арӡынбеи Аԥсны иҟоу Приднестровиатәи Молдавиатәи ареспублика аофициалтә хаҭарнак Гарри Кәпалбеи реиԥылараҟны.
"Приднестровиа аҭагылазаашьа ҭышәынтәалара хадароуп иахьазы иҟоу аглобалтә шәарҭара аамҭазы. Ҳусеицура арҭбаара ҳазыхиоуп. Иҟаҵатәу ашьаҿақәа ҳалацәажәарц шәыдазгалоит", - иҳәеит Арӡынба.
Аганқәа еиуеиԥшым ауснагӡатәқәа ирылацәажәеит, урҭ реиҳарак аамҭа кьаҿ иалагӡаны инагӡахоит.