АҞӘА, абҵара 24 – Sputnik. Аԥсны жәлар Рџьынџьтәылатә еибашьра аветеранцәеи ахамыхәацәеи ртәанчахәы 20% иацҵахоит, абри атәы Sputnik иазеиҭеиҳәеит Аԥсны Атәанчахәытә фонд ахантәаҩы Денис Гәылариа.
"Ахада атәанчахәқәа ишрыцҵахо атәы иҳәеит. Аџьынџьтәылатә еибашьра актәи, аҩбатәи, ахԥатәи агәыԥқәа ирыҵаркуа ахамыхәацәеи арезерв аҿы иҟоуи ртәанчахәқәа 20% ишьҭыххоит", - иҳәеит иара.
Аԥсны Атәанчахәытә фонд 2023 шықәсазтәи абиуџьет 140 миллион иҟоуп. Ари ҵыԥх аасҭа 20 миллион рыла еиҳауп.
Иарбоу акатегориақәа ртәанчахәы рыҭаразы уадаҩрақәак ҟалар, Ареспубликатә биуџьет аҟынтәи ашәарақәа ирыцҵахоит.