АҞӘА, абҵара 25 – Sputnik. Аҳазалхратә аушьҭырҭатә ҭыԥ "Ԥсоу" аусуҩцәа дааныркылеит закәаншьаҭада асигарет аҳәаа ахыгара зҽазызшәаз Аԥсны атәылауаҩ. Абри атәы аанацҳауеит Аԥсны аҳазалхырҭатә еилакы апресс-маҵзура.
Аҳазалхыҩцәа иааныркылаз аԥҳәыс леидара ангәарҭоз илыдырбалеит аԥснытәи акцизтә дырга зқәымыз 10 600 сигарет.
Асигаретқәа згоз илымхуп. Административтә зинеилагарақәа рзы аматериалқәа нашьҭуп ареспублика аҳазалхратә еилакы аҳазалхратә ҭҵаарақәа рыҟәшахьы.