АҞӘА, абҵара 29 – Sputnik, Асмаҭ Ҵәыџьԥҳа. Апатологиеи атерапиеи рексперементалтә ҭҵаарадырратә институт амаамынааӡарҭаҟынтәи апавиан гамадрил ҳәа захьӡу амаамынаԥс бналеит абҵара 29 рзы. Абри атәы Sputnik иазеиҭеиҳәеит аинститут адиректор Зураб Амқәаб.
Иара иажәақәа рыла, амаамын ԥшьышықәса ахыҵуеит. Амаамын шԥабналеи ҳәа азҵаара аҭакс адиректор иҳәеит "ауаҩытәыҩсатә фактор" аҭыԥ шамоу.
Асоциалтә ҳақәа рҿы ирыларҵәан авидео ақалақь амҩақәа руак аҿы амаамын ахьазгәаҭаз. Убас, 2020 шықәсазы апитомник аҟынтә ибналеит апавиан анубис захьӡу амаамынқәа ԥшьба, аха урҭ хара имгакәа иаанкылан.