"Ҳәарада, иарбан усзаалак ауадаҩрақәа анамоу аҭагылазаашьақәа цәырҵлоит, аха урҭ ауадаҩрақәа ҳариааины аус ауеит атеатр. Арепертуар аҟны аспектакльқәа ыҟоуп, иҳаҩсыз аԥхын ҩ-қәыргыламҭак араионқәа ҳрылсны идҳарбеит. Акы адуцәа рзы ақәыргыламҭа -"Иӷьычуа зегьы рҳәыҩцәам", италиатәи адраматург Дарио Фо иҩымҭала, егьи - Роман Сабуа илакә-спектакль "Саҳра шьҭа шәара ишәымаз". Қәҿиарала ибзианы ирыдыркылеит арҭ ақәыргыламҭақәа", - иҳәеит Сангәлиа.
Сангәлиа иазгәеиҭеит уадаҩрас ишрымоу акадрқәа рызҵаара, Тҟәарчал ицаны аус зуа актиорцәа шрыцәмаҷу, ари азҵаара аӡбаразы ргәы иҭоу атәы.
Аицәажәара шәаҳар шәылшоит аудиофаил аҟны.