АҞӘА, абҵара 30 – Sputnik, Бадраҟ Аҩӡба. Аминистрцәа реилазаара 2023-2025 шықәсазы Аԥсни Урыстәылеи рыбжьара акультура аусхк аҟны русеицураз апрограмма рыдыркылеит.
Апрограмма иазԥхьагәанаҭоит аҿыханҵеи асценатәи ҟазара, акинематографиа, абиблиотекатәи амузеитәи ус, атеатртә ҟазара, жәлар рнапкымҭа, аҭоурых-культуратә ҭынха аобиектқәа реиқәырхара русхкқәа рҟны аусеицура арҿиара.
Уи адагьы аганқәа ацхраалоит амузыкатә усҳәарҭақәеи аконцерттә еиҿкаарақәеи ишиашоу аимадарақәа рыбжьаҵара, анагӡаҩцәа, амузыкатә коллективқәа, аҟазауаа реимдара.
Иара убасгьы Аԥсни Урыстәылеи агәазыҟаҵара арҭалоит Аԥсни Урыстәылеи рынагӡаҩцәеи рколлективқәеи жәларбжьаратәи амузыкатә фестивальқәеи аицлабрақәеи, амузыкатә уснагӡатәқәеи рылахәразы.