АҞӘА, ԥхынҷкәын 1 - Sputnik, Асмаҭ Ҵәыџьԥҳа. Аԥсны ахада Аслан Бжьаниа Урыстәыла Аҳәынҭдума ахантәаҩы Виачеслав Володин диԥылеит.
Атәыла ахада инаҵшьны иазгәеиҭеит Виачеслав Володин иаара Аԥсни Урыстәылеи рыжәларқәа ринтересқәа ирықәшәо аусеицура шалнаршо.
Бжьаниа Урыстәыла Афедерациа анапхгара ҭабуп ҳәа реиҳәеит иааиԥмырҟьаӡакәан Аԥсны иазыҟарҵо ацхырааразы. Иара убасгьы иҳәеит Урыстәыла иабзоураны Аԥсны афымцалашараз иҟаз ауадаҩрақәа шаԥыху.
Володин иазгәеиҭеит Аԥсни Урыстәылеи реизыҟазаашьа аҩызаратәи астратегиатәи ҟазшьа шамоу.