АҞӘА, ԥхынҷкәын 2 - Sputnik. Аԥсни Урыстәылеи рыбжьара асоциал-економикатә усеицуразы Аиҳабырабжьаратә комиссиа реилатәара мҩаԥгахоит Москва ԥхынҷкәын 6 рзы.
Акомиссиа алахәылацәа аҩганк злацәажәаран иҟоу адокументқәа рыпроект иақәшаҳаҭхеит.
Аԥыза-министр Александр Анқәаб аԥсуа делегациа напхгара аиҭоит.
Аԥыза-министр иазгәеиҭеит аделегациа алахәылацәа Аиҳабырабжьаратә комиссиа аилатәара аҟны иқәгылоу азҵаарақәа ишахәҭоу еиԥш иҭырҵаарц.