АҞӘА, ԥхынҷкәын 5 - Sputnik. Аԥыза-министр Александар Анқәаб зхадараҿы дыҟоу Аԥснытәи аделегациа Москваҟа амҩа иқәлеит Аиҳабырабжьаратә комиссиа аилатәара иалахәхарц.
Анқәаб Аԥсни Урыстәылеи рыбжьара асоциал-економикатә усеицураз Аиҳабырабжьаратә комиссиа алахәылацәа алархәны аусутә еилацәажәара мҩаԥигеит ԥхынҷкәын 2 рзы.
Москва аҩ-ганк злацәажәараны иҟоу адокументқәа аус еицрыдулан.
Аԥсни Урыстәылеи рыбжьара асоциал-економикатә усеицураз Аиҳабырабжьаратә комиссиа аилатәарақәа Аԥсни Урыстәылеи рҵакырақәа рҿы инеиҭак-ааиҭакны имҩаԥысуеит. Актәи аилатәра мҩаԥган 2010 шықәса хәажәкырамзазы. Усҟан ирыдыркылеит амеморандум, ишьақәырӷәӷәан аусуратә регламент, анаҩс – Аԥсны асоциал-економикатә ҿиара Акомплекстә план.