АҞӘА, ԥхынҷкәын 7 - Sputnik. Урыстәылатәи авиациа, аракетатә ари артиллериеи Харковтәи аобласт аҿы қьырала еибашьуа аҳәаанырцәуаа ргыларҭа ҭыԥ ааха арҭеит ҳәа аанацҳауеит Атәылахьчара аминистрра.
Аоператив-тактикатә авиациеи, аракетатә ари артиллериеи 183 раион рыҟны 79 артиллериатә ҟәша ирылахысит, ари аибашьыга техникеи аԥхасҭа рырҭеит.
"Харковтәи аобласт аиланхарҭа Боровское аҿы ааха аҭоуп қьырала еибашьуа аҳәаанырцәуаа ргыларҭа ҭыԥ", - ҳәа аҳәоит адырраҭараҿы.
Аусбарҭаҿ иазгәарҭеит урыстәылатәи авиациеи, аракетатә ари артиллериеи Харковтәи аобласти ДЖәР-и рҿы ЕАА иҭыжьу арадиолокациатә станциақәа AN/TPQ-50 ҩба ааха рырҭеит ҳәа.