АҞӘА, ԥхынҷкәын 11 - Sputnik. Аԥсны аенергетика аиӷьтәразы аинвестициақәа алагаларазы азакәанԥҵара аус аднаулоит иҳәеит РИА Новости аинтервиу азҭаз Аԥсны аԥыза-министр Александр Анқәаб.
Иара иҳәеит Аԥсны аенергетика аусхк аҟны ауадаҩрақәа шыҟоу, аамҭакьаҿкала ишузымӡбуа.
"Асовет Еидгыла аамҭақәа рзы Аԥсны аенергетика аҳәынҭқарратә биуџьет аҟынтәи ишьақәгылан, аха ари асистема зегьы аус ауртә еиԥш аҳәынҭқарра амч ақәхаӡом. Убри аҟнытә урыстәылатәи аинвестор дааироуп. Иаргьы еиларганы идыруазароуп азакәанԥҵара инақәыршәаны аенергетика ахырхарҭаҿ азинтә еизыҟазаашьа мҩақәызҵо", - ҳәа иҳәеит Анқәаб.
Аԥыза-министр иазгәеиҭеит, нормақәак аенергетика ахырхарҭала азинтә еизыҟазаашьа аҟны урыстәылатәи аинвесторцәа ишыргәамԥхо - Аҟәеи Москвеи уи аус адырулоит.
Аԥсны афымцалашараз иҟоу ауадаҩрақәа ирыхҟьаны аамҭаеихшарала алашара дырцәоит.