Аԥсны

Сократ Џьынџьал "Ахьӡ-Аԥша" аорден I аҩаӡара ианашьоуп

Сократ Џьынџьал - Аԥсны аҳәынҭқарратәи ауаажәларратәи аусзуҩ, диит Очамчыра араион Агәыбедиа ақыҭан 1937 шықәса ԥхынҷкәын 11 рзы.
Sputnik
АҞӘА, ԥхынҷкәын 11 - Sputnik. Аԥсны аҳәынҭқарра ахада Аслан Бжьаниа Сократ Џьынџьал "Ахьӡ-Аԥша" аорден I аҩаӡара ианаишьеит.
"Аԥсны амилаҭтә -хақәиҭратә қәԥареи Аԥсуа ҳәынҭқарра ашьақәгылареи рыҟны илшамҭа дуқәа рзы Сократ Раҷ-иԥа Џьынџьал ианашьоуп "Ахьӡ-Аԥша" аорден I аҩаӡара", - ҳәа аҳәоит Аҳәынҭқарра ахада иҟаиҵаз аусԥҟа аҟны.
Сократ Џьынџьал - Аԥсны аҳәынҭқарратәи ауаажәларратәи аусзуҩ, диит Очамчыра араион Агәыбедиа ақыҭан 1937 шықәса ԥхынҷкәын 11 рзы.
Сократ Џьынџьал 1992 шықәсазы Аԥсны Иреиҳаӡоу Асовет ахантәаҩы ихаҭыԥуаҩыс дҟарҵоит, 1993 шықәсазы Аԥсны аԥыза-министрси адәныҟатәи аусқәа рминистрси. Женеватәи аиҿцәажәарақәа рыҟны Аԥснытәи аделегациа хадара азиуан.
1994 шықәса инаркны 2002 шықәсанӡа Аԥсны Жәлар Реизара еиҳабыс дыҟан. Аԥсны Ауаажәларратә палата анеиҿыркаа инаркны алахәылас дыҟоуп.