АҞӘА, ԥхынҷкәын 16 - Sputnik. Актәи аԥхьарала Апарламент аҿы ирыдыркылеит "Аԥсны Аҳәынҭқарраҿы аҳәаанырцәуаа рзинтә статус азы" Азакәан аԥсахрақәа ралагаларазы" азакәан апроект.
Ариашарақәа инарықәыршәаны, аҳәаанырцәуааи атәылауаҩра змам ахаҿқәеи Аԥсны хымш иреиҳаны рыҟазаараан ашәҟәы рыҽҭаргалалароуп.
Аминистрцәа реилазаара ишьақәнаргылалоит ашәҟәҭагаларала аԥҟареи аҭагылазаашьеи. Аилатәараҿы депутатцәақәак азакәан адкылара мап ацәыркит, апроект адгылара анамҭеит аҳәынҭқарра-зинтә политиказ аилакгьы.
Ариашарақәа ирҿагыло ргәаанагарала аиҭакрақәа атуристцәа рзы ауадаҩрақәа аԥырҵоит, аиҳаракгьы зхала иаауа рзы. Бжьыҭирала актәи аԥхьарала апроект рыдкылан.