Ари ҭоурыхтә хҭысуп ҳәа Аконституциа ахәыҷқәа рзы аиқәыршәара иазылҳәеит Гамсаниаԥҳа арадиоефир аҿы.
"Аконституциатә ӡбарҭа еиҿнакааит. Ибзианы еиқәыршәоуп. Ахәыҷқәа ҩ-бызшәак рыла еилыркаартә исахьаркны иҟаҵоуп. Сахьала ирбо аинформациа ахәыҷқәа иаҳа игәныркылоит, аинтересгьы рзацуп. Азакәан аҵакы рдыруа, уи ахәҭаҷқәак еилыркаауа иҟалоит ишыхәыҷу инаркны", - ҳәа азгәалҭеит аполитолог.
Емма Гамсаниаԥҳа иара убасгьы дазааҭгылеит ахәыҷқәа Аконституциа рдырра аҭахны изылыԥхьаӡо, илҳәеит ҳашьаҭа ҳарӷәӷәарцаз иаҭаху аус шакәу.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.