Асовет Еидгыла анаԥҵахаз аахыс ԥхынҷкәын 30 рзы иҵуеит шәышықәса. Арыцхә инамаданы Асоциал - економикатә ҭҵаарақәа рцентри Sputnik еицымҩаԥыргоит астол гьежьқәа.
СССР ашьақәгыларазы адекларациа анрыдыркылоз дыҟан Аԥсны ахаҭарнакгьы, Николаи Ақырҭаа. Иара инапгьы аҵаиҩит ашәҟәы. Ари ахҭыс шыҟалаз атәы, насгьы изыбзоурахаз усҟантәи аамҭа ахьӡ змамыз Аԥсны аҳәынҭқарра Асовет Еидгыла алалара, абри атәы еиҭеиҳәеит Олег Дамениа.
Иара убасгьы далацәажәеит избан ҳҭоурых ахашҭра зшәарҭара дуу.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.