АҞӘА, ԥхынҷкәын 20 - Sputnik. Владислав Арӡынба ихьӡ зху аҳаирбаӷәаза аамҭа-аамҭала аҿиара аплан ӡырган Аԥсны ахада Иусбарҭаҿы, абри атәы аанацҳауеит ахада ипресс-маҵзура.
Аӡыргараҟны ахада ихаҭыԥуаҩ Бадра Гәынба иазгәеиҭеит апроект аҵак ду шамоу.
"Атәылаз аҵак ду змоу ари апроект анагӡара Аԥсны ахада Аслан Бжьаниа ҷыдала хылаԥшра аиҭоит. Имҩаԥго аусурақәа ҭабуп ҳәа рхаҳҳәаауеит. Агәрагара ҳамоуп алҵшәақәа шҵоурахо", - иҳәеит Гәынба.
Уаанӡа Москва имҩаԥысыз X афорум "Урыстәылеи Аԥсни русеицура" аҟны иҳәан ишазыԥхьагәаҭо аусурақәа 2024 шықәсазы рхыркәшара, 2025 шықәсазы Аԥсни Урыстәылеи рыбжьара аҳаиреимадара ахацыркра.
Аиҭашьақәыргылара ашьҭахь абаӷәаза сааҭк аҩнуҵҟа 400-ҩык, шықәсык аҩнуҵҟа х-миллионҩык апассаџьырцәа аднакыло иҟалоит.