АҞӘА, ԥхынҷкәын 24 – Sputnik. Ахада ихаҭыԥуаҩ Бадра Гәынба ахада инапынҵа инақәыршәаны атәылахьчаратә ҵакы змоу аобиектқәа рҭагылазаашьа гәеиҭеит. Абри атәы аанацҳауеит аҳәынҭқарра ахада ипресс-маҵзура.
Агәаҭарақәа мҩаԥысит амобилизациа аҽазыҟаҵарақәа рҳәаақәа ирҭагӡаны.
Аусутә ныҟәара иалахәын аԥыза-министр ихаҭыԥуаҩ Сергеи Пустовалов, атәылахьчара аминистр Владимир Ануа, атәылахьчара аминистр актәи ихаҭыԥуаҩ аинрал-леитенант Владимир Савченко, атәылахьчареи ашәарҭадареи рзы апарламенттә еилакы ахантәаҩы Ҭемыр Шергьелиа, Акапиталтә ргылара аусбарҭа аиҳабы Ҭемыр Агрба.