АҞӘА, ԥхынҷкәын 24 - Sputnik. Аԥсны ашьапылампыл азы еизгоу акоманда 2023 шықәсазы Аҩада Кипр имҩаԥысуа Европа Ачемпионат CONIFA иалахәхоит. Абри атәы иҳәеит Аԥсны Ашьапылампыл афедерациа ахада Ҭарашь Ҳагба ашьапылампыл ашықәс аихшьаала иазкны имҩаԥгаз аусмҩаԥгатә аҟны.
2016 шықәсазы ашьапылампыл азы Европа ачемпионат ConIFA Аԥсны имҩаԥысуан, усҟан Аԥсны еизгоу амилаҭтә команда аиааира агеит.
Ихьыԥшым ашьапылампылтә ассоциациақәа рконфедерациа еиҿкаан 2013 шықәсазы. ConIFA еиднакылоит официалла FIFA иалам атәылақәеи автономиақәеи еизгоу ркомандақәа, урҭ рхыԥхьаӡара 25 рҟынӡа иҟоуп.