АҞӘА, ԥхынҷкәын 29 - Sputnik. 55 грамм анаркотикатә маҭәашьар – метадон идбалан Аҟәа инхо Амир Ашкацао ҳәа аанацҳауеит Аԥсны ААР апресс-маҵзура.
39 шықәса зхыҵуа Ашкацао даанкылан аоперативтә информациа анагӡараан Аҟәа араион Ешыра ақыҭан, аҳәынҭавтоинспекциа апост аҿы.
Азинхьчаратә усбарҭа аусзуҩцәа иааныркылаз данеимырдоз идырбалеит анаркотикқәа злаҳәаз 61 еилаҳәара.
Иара иганахь ала ашьаус хацыркуп Аԥсны Азакәан 224 ахәҭаҷ 3 ахәҭа апункт "в" инақәыршәаны.
Аҟәатәи ақалақьтә усӡбарҭа аӡбрала иара дырбаандаҩуп. Аусҭҵаара мҩаԥысуеит.