АҞӘА, ԥхынҷкәын 29 - Sputnik. Еицырдыруа ашьапылампыласҩы, Бразилиа еизгоу акоманда далахәны Ашьапылампыл азы Адунеи Ачемпионат хынтә иаиааихьаз Пеле 82 шықәса дшырҭагылаз иԥсҭазаара далҵит, абри атәы аанацҳауеит Associated Press.
Абҵара 30 рзы Пеле ицәеижь чны, агәыхь иманы Сан-Пауло ахәшәтәырҭа дҭашәеит. Усҟан аспортсмен ихәшәтәра шимыхәо азы адырра ҟаҵан.
Ашьапылампыл аҭоурых аҿы Пеле даӡәыкуп Адунеи Ачемпионат хынтә иаиааихьаз (1958, 1962, 1970). Бразилиа еизгоу акоманда далахәны 92 хәмарра мҩаԥигеит, 77 мпыл амба иҭаиршәит.