АҞӘА, ажьырныҳәа 5 - Sputnik. Акультуратә фонд "Платформа" 2022 шықәсазы акыр аусмҩаԥгатәқәеи апроектқәеи мҩаԥнагеит. Имҩаԥыргаз аусмҩаԥгатәқәа зегьы рсиа кьыԥхьуп афонд асаит аҟны.
Хаҭала, еиҳа азҿлымҳара азун 1942-1943 шықәсқәа рзы Кавказ ахьчараан игаз аиааира 80 шықәса ахыҵра иазкыз аҭоурыхтә арра-патриоттә проект "Кавказский афронт".
Апроект аҳәаақәа ирҭагӡаны Ԥсҳәы ақыҭан еиҿкаан аекспедициа, аҭыхрақәа ирылагеит аибашьраан аӷа импыҵеихалаз ақыҭа иазкны адокументалтә фильм "14 мшы", аҟәатәи ашколхәыҷқәа ирзеиҿкаан аҿар рныҟәара.
Апроект иара убасгьы ицәырган Москватәи амилаҭқәа рыҩны аҟны еиҿкааз астол гьежь аҟны.
Урҭ рнаҩс афонд еиҿнакааит Аԥснынтәи афашисттә концлагерқәа рбаандаҩцәа рыԥшаара знапы алаку аԥсуа курсантцәа русура иазкыз адокументалтә фильм "Поиск" дырбара. Афильм дырбан ААУ, Гал араион, Санкт-Петербург, Ҟрым, Тирасполь иара убас идырбан ателеканалқәа НТВ, RT рыла.
Шықәсык аҩнуҵаҟа афонд имҩаԥнагеит акыр аусмҩаԥгатәқәа. Урҭ рхыԥхьаӡараҿ иҟоуп Аџьынџьтәылатә еибашьра Ду аветеранцәа рыдныҳәалара, Донбасс ауааԥсыра рзы агуманитартә еидара аидкылара. Имҩаԥыргеит урыстәылатәи амеценат Николаи Смецкои диижьҭеи 170 шықәса аҵра иазкыз аусмҩаԥгатә.