Аныҳәа мышқәак шагыз аҳаблақәа рҿы еиҿкаан ақәгыларақәа, урҭ зегьы рҿы аус руан ацхыраара ласс аҳақьымцәа ҳәа азгәеиҭеит аиҿцәажәараҿы Џьоупа. Иара иҳәеит, егьырҭ ашықәсқәа ирҿуарԥшуазар, сынтәа аныҳәақәа раан ацхыраара зыҭаз рхыԥхьаӡара иаҳа ишеиҳаз.
"Ашықәс ҿыц аухагьы аҷаԥшьарагьы ҳаман. Ацхыраара заҳҭаз рацәахеит, апетардақәа ирыхҟьаны ахәра маҷқәа зауз ахәыҷқәа ыҟан. Аҭыӡҭыԥла ааԥхьарақәагьы рхыԥхьаӡара рацәан. Еиҳарак Аҳабла ҿыц ахь иҳаман. Уахыки-ҽнаки рыла 67-нтә ҳҭыҵит. Х-гәыԥкны аус руан ақьалақь аҩнуҵаҟа, аԥшьбатәи агәыԥ аԥсаӡ хадаҿы иҟан", - ҳәа иҳәеит Џьопуа.
Ацхыраара лас аҳақьым хада иажәақәа рыла уажәы аҭагылазаашьа ҭышәынтәалан иҟоуп. Мчыбжьык ҵуеит ҳапсы шьо ҳааиуеижьҭеи ҳәа длафуеит Џьопуа.
Аслан Џьопуа иара убасгьы еиҭеиҳәеит, иҳаҩсыз ашықәс азы русура зеиԥшраз, далацәажәеит акадрқәа рызҵаараҟны ауадаҩра дуқәа шрымоу.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.