АҞӘА, ажьырныҳәа 13 - Sputnik. Аилахәыра Miray Cruises, аӷба Astoria Grande зтәу, иазыԥхьагәанаҭоит Шәачантәи Мысраҟа (Египет-аред.) амшынтә ныҟәарақәа рхацыркра. Абри атәы аанацҳауеит РИА Новости илахәыра апресс-маҵзура адыррақәа шьаҭас иҟаҵаны.
"Ҳара иазыԥхьагәаҳҭоит уажәазы Шәачантә Ҭырқәтәылаҟа иныҟәо аӷба амаршрутқәа рырҭбаара. Ҳрызхәыцуеит Мысра еиԥшу, аҭаххарақәа змоу атуристтә хырхарҭақәа" рҳәоит апресс-маҵзураҿы.
Astoria Grande – Урыстәыла иакзаҵәу, Сҭампыл, Чешме, Амаср, Синоп, Трабзон, Орда реиԥш иҟоу аҳәаанырцә баӷәазақәа рахь иныҟәар зылшо ӷбоуп. Иара атуристцәа Шәачатәи абаӷәазаҟынтә Ҭырқәтәылатәи ақалақьқәа рахь имҩаннагоит.
Шәачантәи Сҭампылҟа аӷба раԥхьатәи ареис мҩаԥнагеит 2022 шықәса ԥхынгәы 16 азы. Аӷба 1300-ҩык апассаџьырцәа рҭыԥ амоуп.