АҞӘА, ажьырныҳәа 15 – Sputnik, Бадри Есиава. Автомашьына "ВАЗ 2105" амҩа иаҽԥынгылаз ашьаҟа иаахан, арныҟәцаҩ аҭыԥ аҿы иԥсҭазаара далҵит, абри атәы Sputnik иазеиҭарҳәеит АҶА апресс-маҵзураҿы.
Аусбарҭаҿы иазгәарҭеит амашәыр шыҟалаз Гәдоуҭа араион Приморское ақыҭан, Аацыҟа уахьхаҵәиуа. Аиқәырхаҩцәа аԥсыбаҩ амашьына иҭырган, иуацәа дрырҭеит.
Амҩатә машәыр шыҟалаз азы Аԥсны АҶА Гәдоуҭа араион аҷаԥшьаратә хәҭахьы адырра ҟалеит амҽыша ажьырныҳәа 15 асааҭ 9:05 рзы.