АҞӘА, ажьырныҳәа 21 - Sputnik. Аҟәа анаркотикқәа анышьҭаиҵоз аамҭазы дааныркылеит Азербаиџьан атәылауаҩ Логман Алиев, иара изакәанымкәа иааихәеит акыр ирацәаны аметадон, урҭ Аԥсны амаӡаҭыԥқәа рҟны ишьҭеиҵон. Абри атәы аанацҳауеит Аԥсны АР апресс-маҵзура.
Алиев анаркотик ҭаҵәахқәа ҟаиҵахьан Аҟәа Аидгылара амҩеи Ӡиӡариа имҩеи рҿы.
Ашьаусԥшааратә ҟәша аусзуҩцәа иааныркылаз имырхит ф-граммк еиҳаны ззеиԥш капан ыҟаз анаркотик.
Иара иганахьала ашьаус хацыркуп. Ашьаусҭҵаара иацҵоуп.