Владимир Высоцки диит Москва ажьырныҳәа 25 1938 шықәсазы, Нинеи Семиони Высоцки рҭаацәараҟны.
1941 шықәсазы апоет иаб афронт ахь иԥхьоит. Аибашьра ашьҭахь Высоцки иҭаацәа еилыҵуеит. Аусӡбамҭала Володиа нхара иаби ианԥсеи рахь диасуеит.
Заԥхьаҟа ишәаҳәаҩхараны иҟаз, данқәыԥшыз абокси аспорттә кробатикеи иҿазыҟаиҵон.
1956 шықәсазы Владимир еицырдыруаз атеатралтә ҵараиурҭа, МХАТ ашкол-студиа дастудентхоит.
Владимир Высоцки раԥхьа аԥышәарахь даннеи, акомиссиа алахәылацәа ари аҩыза абжьы уманы узышәаҳәаҩхом ҳәа иарҳәеит.
Владимир Высоцкии Марина Влади реизыҟазаашьа аҭоурых, Асовет еидгыла аҟны зегь раасҭа иԥшӡаз, иагьгәыхьхаз хҭысхеит. Апоет Марина раԥхьаӡа дибеит акиноекран аҟны, 1970 шықәсазы рыԥсҭазаара еиларҵоит. Лара ахԥатәи иагьҵыхәтәантәиз иԥшәмаԥҳәыс лакәын.
Высоцкии Владии 70-тәи ашықәсқәа рзы лассы-ласс Аԥсныҟа иаауан. Еиҳарак раара амшинеиқәатәи акруизқәа ирыдҳәалан.
Аԥхын 1972 шықәсазы Высоцки Аԥсныҟа дааит Марина Влади длыцны адизельӷба "Шьоҭа Руставели" ала. Усҟан апоет еиҳарак аӷбаҿы акәын иаамҭа ахьихигоз, акрыфаразы акаҳуажәырҭақәа рахь днеилон, хәылбыҽхала аконцертқәа аӷбаҿы имҩаԥигон.
Ақалақьахь ицәырҵуан ақьафурҭа "Нарҭаа" аҿы акрырфараз.
Высоцкии Влади Аԥсны аҩызцәа дырҳаит.
Владимир Высоцки Пицунда амшын аҵа дхәыҵалеит.
1972 шықәса, Высоцки Аԥсны даныҟаз.
Араҟа иара иазгәаҭамыз аконцерт мҩаԥигеит.
Дықәгылеит Аҟәатәи афизико-техникатә институт аҟны.
Владимир Высоцки Асовет Еидгылеи уи анҭыҵи рыҟны зқьы инареиҳаны аконцертқәа мҩаԥигахьан.
1964 шықәса инаркны Владимир Высоцки Таганка Москватәи атеатри адрамеи акомедиеи аҟны аус иуан. Ԥхынгәы 18 1980 шықәсазы аҵыхәтәантәи ироль Гамлет наигӡеит.
Ашьыжь ԥхынгәы 25 1980 шықәсазы апоет идунеи иԥсахуеит. Высоцки аҵыхәтәантәи имҩахь инаскьагараз агәаран иқәгылаз 9 километрак инаӡон.