АҞӘА, ажьырныҳәа 25 – Sputnik. Россотрудничество аусураҿы азхьаԥшра хада амоуп аҳәаанырцә ааигәа ҳәа иҳәеит Россотрудничество анапхгаҩы Евгени Примаков.
Иара иажәақәа рыла аҵыхәтәантәи аамҭазы Россотрудничество аусура аҽеиҭанакит.
"Раԥхьа иргыланы агеографиатә хырхарҭаҿ. Уаанӡа Европа ҳкультуратә центрқәа рҿы жәаҩыла ауаа ыҟазҭгьы, уажәы имаҷхеит. Убри аан аҳәаанырцә ааигәа рыҽдырҭбаауеит Урыстәыла аҩнқәа, акультуратә центрқәа. Ари аресурсқәа риагара иазҵаароуп. Иахьазы аԥыжәара аҳҭоит аҳәаанырцә ааигәа", - ҳәа иҳәеит иара.
Аҵыхәтәантәи аамҭазы Россотрудничество аусура шьаҭанкыла ааҽаԥсахит. Ахаҭарнакраҿы еиҳа илаԥшықәырҵоит аудиториа аинтересқәа.
"Ҳара ҳахысит асовет аамҭақәеи урҭ рышьҭахьтәи аҭагылазаашьақәа, аҟазауаа Мраҭашәараҟа аџьынсқәеи авидеомагнитафонқәеи раахәара ианцоз. Ари аҭоурых аркуп. Мраҭашәара адагь акыҟамкәа иҟам, анцәа иџьшьаны", - ҳәа иҳәеит Примаков.
Россотрудничество – иналукааша урыстәылатә маҵзуроуп. Инанагӡо аус хада адунеи аҿы агуманитартә нырра аҟаҵара. Аиҿкаара аус ауеит 80 тәыла рҿы. 2021 шықәса раахыс Россотрудничество иформалым ахьӡ – "Русский дом".