АҞӘА, ажьырныҳәа 27 - Sputnik. Гагра араион Ԥсахара ақыҭа ауаҩԥсы Аԥсныҟа анаркотикқәа ралагаларазы даанкылоуп аҳәынҭқарратә ҳәаа аушьҭырҭатә ҭыԥ "Ԥсоу" данахыс ашьҭахь, абри атәы аанацҳауеит ареспублика ААР апресс-маҵзура.
Иаанкылаз 35-шықәса зхыҵуа Владимир Пашьиан игәаҭараан идбалан амефедрон.
Ашьаус хацыркуп АА АЗ ахәҭаҷ 224, ахәҭа 2 (закәаншьаҭада анаркотикқәеи аԥсихотроптә маҭәашьарқәеи ралагалара ма ралгара), ахәҭаҷ 223, ахәҭа 2 (закәаншьаҭада ахатәхархәараз анаркотикқәеи аԥсихотроптә маҭәашьарқәеи аархәара, рымазаара, рымҩангара) инарықәыршәаны.
Владимир Пашьиан ҩымз ҳәа даанкылоуп. Аусҭҵаара иацырҵоит.