АҞӘА, ажьырныҳәа 30 - Sputnik. Агәабзиарахьчараз адунеизегьтәи аиҿкаара (ВОЗ) аҭагылазаашьа ҷыдаз Аилак COVID-19 аглобалтә пандемиа астатус азыннажьит ҳәа аанацҳауеит ажьырныҳәа 27 рзы аиҿкаара асаит аҟынтәи адырраҭараҿы.
"ВОЗ адиректор хада Агәабзиарахьчараз адунеизегьтәи аиҿкаара (ВОЗ) аҭагылазаашьа ҷыдаз Аилак абжьгарақәа ирықәшаҳаҭуп, аҭагылазаашьагь уаанӡеиԥш иҷыдоуп ҳәа иаԥхьаӡоит жәларбжьаратәи аҵакы змоу агәабзиарахьчаратә аусхк аҟны (PHEIC)", - ҳәа аҳәоит адокумент аҿы.
Аилак агәаанагарала COVID-19 апандемиа ихьанҭоу аҩаӡараҿ иҟоуп, акоронавирус аглобалтә пандемиа астатус ахыххаанӡа ачымазарақәа рыстатус аиҭакра алагалатәуп.
Ажьырныҳәа 22 рызтәи адыррақәа рыла, адунеи аҿы ашәҟы иҭагалоуп 664 миллион ковидхҭыси 6,7 миллион ԥсыҭбареи.