Аԥсны

Ареспубликатә хәышәтәырҭа иаанахәеит алабораториеи аҳәса рконсультациеи рзы амаругақәа

Sputnik
АҞӘА, ажьырныҳәа 30 - Sputnik. Ареспубликатә хәышәтәырҭа иаанахәеит алабораториеи аҳәса рконсультациеи рзы 113 нызқь мааҭ рыхә амаругақәа. Абри атәы аанацҳауеит Агәабзиарахьчара аминистрра апресс-маҵзура.
Амедусбарҭа иаанахәеит арԥҳакәыршаҟынтә аӡшьари агазқәеи распирациазы аппарат. Амаруга ҿыц хәаха, инеиҳангьы аус аур алшоит.
Аспиратор азкуп аоперациа ахьымҩаԥырго, аоперациашьҭахьтәи апалатақәа, аԥсеиқәырхарҭа, ахәыҷтәы хирургиа, ахәда-алымҳа-аԥынҵа ауадақәа, ахаԥыцхәышәтәырҭа, ахшараиурҭақәа, ҿыц ииз асабицәа рыҟәша рҟны ахархәаразы.
Уи адагьы, амедусбарҭа алабораториазы иаахәан абинокулиартә електронтә микроскопқәа. Иара убас аҳәса рконсультациазы амаругақәа аархәеит.