АҞӘА, ажьырныҳәа 31 - Sputnik. Амимозашәҭ раԥхьатәи акоммерциатә партиа 125 кьыла рҟынӡа Аԥсны иалыргеит, абри атәы аанацҳауеит Краснодартәи аҳазалхырҭа Шәача ақалақь апресс-маҵзура.
Амимоза асезон аиҳарак жәабран агәазы акәын ианаатуаз, аха уажәы ҩымчыбжь рыла изаахеит.
Иазыԥшуп ииасыз ашықәс азы аҟара амимоза аекспорт - 145 тонна. Аиҳарак хәажәкыра раԥхьатәи амшқәа рҟынӡа аҳәаа иахыргоит.
Ашәҭқәа рымҩангаразы аҳауаԥхарра лаҟәны иҭарыҳәҳәоит. Амимоза аҳазатә гәаҭара аԥыжәара аҭаны иахрыжьуеит.