АҞӘА, ажьырныҳәа 31 - Sputnik. Аԥсны ахада Аслан Бжьаниа Науру аԥхьагыла Расс Кун Ахьыԥшымра амш идиныҳәалеит, абри атәы аанацҳауеит ахада ипресс-маҵзура.
Бжьаниа иазгәеиҭеит 55 шықәса раахыс Науру илнахыз амҩа ишаныц ишану, егьырҭ аҳәынҭқаррақәеи дареи ҭынч еизыҟоуп, урҭ инарываргыланы дара Аԥсны адгыларагьы арҭеит ҳәа.
"Ҳтәылақәа реизыҟазаашьа - иҭышәантәалоу, аамҭа иаӡрыжәхьоу еизыҟазаашьақәоуп. Аԥсны иқәынхо ажәлар иргәалашәоит Науру иаанырԥшыз ахаҵгылара", - ҳәа азгәаҭоуп адныҳәалараҿы.
Атәыла ахада иколлега Расс Кун агәабзиареи аихьӡарақәеи изеиӷьеишьеит, ижәлар -аҭынчра, аҭышәынтәалара, аизҳара.