АҞӘА, жәабран 1– Sputnik, Сариа Кәарацхьелиаԥҳа. Аԥсны аиустициа аминистрра иакьыԥхьит хәышықәсатәи адемографиатә статистика.
Аиустициа аминистрра адыррақәа рыла 2018 шықәса раахыс атәылаҿ ахшараиура лаҟәуа иалагеит. 2018 шықәсазы 1614-ык ахәыҷқәа изар, 2022 шықәсазы –1142-ҩык ахәыҷқәа иит.
Аԥсны аиреи аԥсреи рхыԥхьаӡара
© Sputnik / Леон Гуния
Убри аан аԥсҭбарақәа, аиҳарак апандемиаамҭа 2021 шықәсазы акыр еиҳахеит. Рыԥсҭазаара иалҵит 2228-ҩык ауааԥсыра.
Хәышықәса рыҩнуҵҟа аҭаацәара иалалаз рхыԥхьаӡарагьы маҷхеит. 2018 шықәсазы 917 ҭаацәара ҿыц ашәҟәы иҭагалазар, 2022 шықәсазы – 598-ҭаацәара роуп ашәҟәы иҭаргалаз. Убри аан еилыҵыз рхыԥхьаӡарагьы маҷхеит.