АҞӘА, жәабран 1- Sputnik. Урал аихамҩақәа рыҟны атерактқәа мҩаԥызгоз хҩык украинатәи агентцәа аанкылоуп ҳәа аанацҳауеит РИА Новости Урыстәыла АШәМ апресс-маҵзура адыррақәа шьаҭас иҟаҵаны.
"Урал иаанкылоуп Свердловтәи аобласт аҿы украинатәи амчрақәа рҟынтәи аԥаразы аихамҩатә инфраструктурақәа атеррористтә актқәа разырхиареи рымҩаԥгареи назыгӡаз хҩык Урыстәыла атәылауаа", - ҳәа аҳәоит арелиз аҿы.
Аусбарҭа иазгәанаҭоит иаанкылоу ишрымхыз ацәгьа зларуаз амыругақәа, украинатәи аиҿкаара асимволика, Свердловтәи аобласт аҟны аихамҩатә инфраструктурақәа ахьгылоу релектронтә хсаалақәа.
Иаанкылоу рҿрықәшаҳаҭхеит, руаӡәк афымцаӷәқәа аихамҩаҿ амца шрыцреиҵаз, егьи – аихамҩа атеррористтә акт мҩаԥганы ааха шеиҭаз.
Ашьаусқәа хацыркуп 12 шықәса инаркны ԥсраҽнынӡа ҭакрала ахыгара азԥхьагәазҭо УА АЗ ахәҭаҷқәа "Атеракт", "Атеррористтә усура амҩаԥгара" инарықәыршәаны.