АҞӘА, жәабран 3 - Sputnik. Аԥсны Аҳәынҭавтоинспекциа аиҳабы инапынҵақәа наигӡалоит Родик Базба ҳәа аанацҳауеит аусбарҭа апресс-маҵзура.
Анапхгаҩ ҿыц аколлектив дыдирдырит аминистр Вальтер Быҭәба.
"Зегь шәҟынтәи аусура еиқәшәа сазыԥшуп. Иазгәасҭар сҭахуп Баҭал Агрба схаҭыԥуаҩык иаҳасабала асистемаҿ дшынхо, ԥхьаҟагьы шәусураҿ дышшәыдгыло", - иҳәеит аминистр.
Аԥсны ААР аминистр ихаҭыԥуаҩ Беслан Ҷкадуа иазгәеиҭеит Аҳәынҭавтоинспекциа аусура алшамҭақәеи ахаҭабзиареи рыҩаӡара шыҳарактәу.