АҞӘА, жәабран 3 - Sputnik. Аԥсны Адәныҟатәи аусқәа рминистрра 30 шықәса ахыҵра иазку афорум Global Abkhazia мҩаԥгахоит Аҟәа, лаҵара 17 азы. Абри атәы аанацҳауеит аусбарҭа апресс-маҵзура.
Ауснагӡатә ахь иааԥхьоуп еиуеиԥшым атәылақәа рҟынтәи асасцәа. Дара рылахәхоит абарҭ атемақәа ирызку асессиақәа:
агеополитикеи адипломатиеи
аинформациатә технологиақәа русхк аҟны жәларбжьаратәи аусеицура
ҳаамҭазтәи амедиа.
Афорум агеографиатә сессиақәа Аԥсны – Мрагылара Ааигәа, Алатынтә Америка, Асоветшьҭахьтә тәылақәа уҳәа еиуеиԥшым арегионқәа русеицура иазкхоит. Аԥсны Адәныҟатәи аусқәа рминистр Инал Арӡынба инапынҵала иаԥҵоуп афорум аиҿкаараз аусутә гәыԥ.