АҞӘА, жәабран 6 – Sputnik. Аԥсны адәныҟатәи аусқәа рминистрреи Евразиа ажәларқәа Рассамблеиеи рыбжьара аусеицураз аиқәшаҳаҭра анапаҵаҩра азнархиоит, абри атәы аанацҳауеит аусбарҭа амедиацентр.
Адокумент иазгәанаҭоит евразиатәи аҵакыра атәылақәеи ареспубликақәеи Аԥсни рыбжьара агуманитартәии аусутәии еимадарақәа рырӷәӷәареи рырҭбаареи.
Иазыԥхьагәаҭоуп аусутә гәыԥқәа раԥҵара еиуеиԥшым аусеицуратә хырхарҭақәа рыла.
Ассамблеиа аусура иалахәуп 50 инарзынаԥшуа тәыла.