АҞӘА, жәабран 7 - Sputnik. Аҩнуҵҟатәи аусқәа рминистрра аппарат хада, ақалақьтә усбарҭақәа, араионтә ҟәшақәа русзуҩцәа амаининг-фермақәа раарԥшразы есыҽны агәаҭарақәа мҩаԥыргалоит.
Азинхьчаҩцәа иара убасгьы уаанӡа иаҿыгаз амаининг-фермақәа ирхылаԥшлоит.
Аусбарҭаҿы иазгәарҭеит аппаратқәа Аԥсны аҵакырахь ралагалара аԥырҟәҟәааразы арҭ аппаратқәа раагареи рмаҵзуреи мҩаԥызго аиҿкаарақәеи ахаҿқәеи русура иашьклаԥшлоит.
Уи адагьы, аусбарҭаҿ ирҳәеит закәаншьаҭада амаининг усура мҩаԥызго рзы аинформациа аҭараз аҭел ҷыда шыҟоу: +7 (940) 920-20-95.