АҞӘА, жәабран 10 – Sputnik. Аԥсны ахада Аслан Бжьаниа Урыстәыла адәныҟатәи аусқәа рминистр Сергеи Лавров адипломатиатә усзуҩ Имш идиныҳәалеит.
Атәыла ахада ҷыдала иазгәеиҭеит Аԥсни Урыстәылеи реиҩызаратә еизыҟазаашьа ҷыдала Лавров илагала ду шацу.
"Урыстәылатәи адипломатиатә усзуҩцәа рыхьӡ-рыԥша, рыпрофессионализм, изықәныҟәо аиҟарареи рпартниорцәа рҳәынҭқарратә суверинитет пату ақәҵареи рыпринципқәа иалдыршоит Урыстәылатәи Афедерациа адәныҟатә политика хра аманы амҩаԥгара", - ҳәа аҳәоит адныҳәалараҟны.