АҞӘА, жәабран 12 - Sputnik. Гагра инхоз аӡӷаб адәыӷба дашьит асабшаҽны, абри атәы Sputnik иазеиҭеиҳәеит Гагра араион ахада ихаҭыԥуаҩ Адамыр Цәышба.
"Ахҭыс иақәшәаз ауаа ражәақәа рыла, уи аԥхьа адәыӷба иаҵахаз ала арельсқәа раԥхьа ишьҭан. Аӡӷабгьы лла лыманы уи аҭыԥ азааигәара дыҟан. Ала дацхраарц дшаҿыз аамҭазы ииасуаз адәыӷба даҵахеит", - иҳәеит иара.
Аԥсны атранспорттә прокуратура аусҭҵаара мҩаԥнагоит.