АҞӘА, жәабран 13 - Sputnik. Апарламент абиуџьети, акредиттә еиҿкаарақәеи, ашәахтәқәеи, афинансқәеи рзы аилак алахәылацәа Аԥсны Ахылаԥшратә палата ахантәаҩы икандитатура иахәаԥшит ҳәа аанацҳауеит Жәлар Реизара апресс-маҵзура.
Аԥсны Ахылаԥшратә палата ахантәаҩы имаҵзурахьы иқәыргылоуп Баҭал Аибеи Асҭамыр Аргәыни ркандидатурақәа.
Аилацәажәара аихшьалақәа рыла аилак иаӡбеит ари азҵаара Аԥсны Жәлар Реизара – Апарламент асессиа аилатәарахь ахәаԥшразы анагара.