АҞӘА, жәабран 13 - Sputnik. Урыстәылатәи аруаа Донецктәи Жәлар Рреспубликаҿы аиланхарҭа Краснаиа гора ахы иақәиҭыртәит ҳәа аанацҳауеит Атәылахьчара аминистрра.
"Уахыки-ҽнаки рыҩнуҵҟа аӷа ицәыӡит 150-ҩык аибашьцәа, акәылӡмашьынақәа ԥшьба, апикапқәа фба, ҩ-гаубицак Д-30", - ҳәа аҳәоит адырраҭараҿы.
Алада-Донецктәи ахырхарҭаҿы УАМ ари атехникеи ахьгылаз Пречистовкеи Угледари рраионқәа рҿы ааха ӷәӷәаны ирыҭоуп. Иҭархоуп 60-ҩык рҟынӡа ауааԥсыра, акәылӡмашьынақәа хԥа, апикапқәа ԥшьба, агаубица Д-20, ҩ-гаубицак Д-30.
Купиантәи ахырхырҭаҿы иҭархоуп 30-ҩык аибашьцәа, акәылӡмашьынақәа хԥа, автомашьынақәа ҩба, агаубица Д-20, Красно-Лимантәи ахырхарҭаҿы -80-ҩык инареиҳаны асолдаҭцәа, акәылӡмашьынақәа хԥа, агаубица Д-30.
Херсонтәи ахырхарҭаҿы уахыки-ҽнаки рыла иҭархоуп аицҭырҟьаратә реактивтә система "Град", амашьынақәа ҩба, зхала иныҟәо ҩ-гаубицак "Гвоздика".
Аоператив-тактикатә авиациа, аракетатә ар, артиллериа уахыки-ҽнаки ааха рырҭеит УАМ артиллериатә ҟәшақәа 82 126 раион рыҟны, УАМ 95-тәи аибашьыга техника аремонтҟаҵарҭа.
Урыстәылатәи ПВОқәа икарыжьит аицҭырҟьаратә система HIMARS ареактивтә хгәыцәқәа фба, жә-дронк.