АҞӘА, жәабран 15 - Sputnik. Адгьылҵысратә рыцҳара ду ахьыҟалаз Шьамтәылеи Ҭырқәтәылеи агуманитартә цхыраара рыҭара иазааҭгылеит аԥыза-министр Александр Анқәаби ихаҭыԥуааи аусуратә еилацәажәараҟны ҳәа аанацҳауеит "Аԥсныпресс".
Аԥсадгьыл ахь архынҳәразы аилак анапы ианҵан Дамаск иҟоу Аԥсны Ацҳаражәҳәарҭеи Аԥсуа культуратә центрқәа Рфедерациеи рыҽрымаданы ихымԥадатәины иҟоу рсиа ашьақәыргылара.
Иара убасгьы, аилацәажәараҟны иазааҭгылан Аинвестпрограмма аҳәаақәа ирҭагӡаны урыстәылатәи афинанстә цхыраареи ацԥаразоужьреи рылшарала абиуџьеттә усҳәарҭақәак русзуҩцәа рулафахәы азҵаара.
Аԥыза-министр ихаҭыԥуаа Владимир Делбеи Кристина Озгани ирҳәеит аԥсуа ган 2022-2025 шықәсазтәи Аԥсны асоциал-економикатә ҿиаразы аҳәынҭпрограмма анагӡараз аиҳабырабжьаратә еиқәшаҳаҭра аҭагылазаашьақәа нармыгӡар, ацхыраара хәҭа-хәҭала ма зынӡа иаанкылахар шалшо.