АҞӘА, жәабран 17 - Sputnik. Шәача еиԥылеит Аԥсни Урыстәылеи рзинхьчратә усбарҭақәа рнапхгаҩцәа, абри атәы аанацҳауеит урыстәылатәи аусбарҭа апресс-маҵзура.
Аиԥылараҟны ирылацәажәан закәаншьаҭада анаркотикатәии аԥсихотроптәии маҭәашьарқәа реикәыршара аҿагылареи, уи иадҳәало ацәгьоурақәа раԥырҟәҟәаареи.
Иара убасгьы амҩаҿ ашәарҭадареи афото-авидеофиксациеи рзы акамерақәа ахархәареи ртема.
Краснодартәи атәылаҿацә аҿы Урыстәыла ААР ахаҭарнакцәа аԥснытәи рколлегацәа ирзеиҭарҳәеит, иахьазы Ҟәбина иахьаҵанакуа ишықәгыло "Ишәарҭам ақалақь" апрограмма аҳәаақәа ирҭагӡаны 9,5 нызқь рбагатә камера. Урҭ азинхьчаҩцәа русура хра аманы аҟазаара акыр иацхраауеит.