Амармалташь хәаша зқәыз аидараӷба Новороссииск абаӷәазаҿы амшынеисра иахҟьаны иӡааҟәрылеит

Уажәазы аиқәырхаратә операциа мҩаԥысуеит, макьаназ ишьақәыргылам аекипаж аҟынтә заҟаҩ еиқәырхо.
Sputnik
АҞӘА, жәабран 21 – Sputnik. Амармалташь хәаша зқәыз аидараӷба Новороссиск абаӷәазаҿы амшынеисра иахҟьаны арыцҳара иақәшәеит, аиқәырхаратә операциа мҩаԥысуеит ҳәа аанацҳауеит РИА Новости "Росморречфлот" адыррақәа рыла.
Аидараӷба Seamark Комортәи адгьылбжьахақәа рбираҟ иаҵагылан иӡсон. Аидараӷба аекипаж иатәыз жәеизаҩык рҟынтә аӡәы иԥсҭазаара далҵит, аӡәы иҭагылазаашьа шәарҭоуп.
Уажәы ашьаусԥшааранӡатәи аҭҵаарақәа мҩаԥыргоит, иҟалоит ашьаус хацыркыргьы.